ka wa's profile※KA--WA※PhotosBlogListsMore  |  Tools Help |
|
June 03 生日雖然都過左好多日...不過都要打返d野同埋多謝返d人ge... 話咁快我ge人生就過左廿年啦...唔知仲會有幾多個廿年比我過呢??? 今年個生日真係神奇..朝早出太陽..下朝就傾盤大雨..夜晚又無雨個天仲有星星添..真係咁都比你講中... 今年ge生日無好似上年咁叫咁多人出黎食飯..但係依然係過得咁開心... 簡簡單單都唔錯呀...多謝曬d記得我生日ge人同埋特別多謝有送禮物ge人(雖然未收到不過都多謝你ge肥鴻).. 今次打space終於唔係因為感冒而打啦..haha~~(開心到傻左啦) 點解個space擺唔到相上黎嫁????? May 09 大病一場本身傾完電話哥日已經無乜野...但係一返到上暨大就病到五顏六色...真係攞命... 燒到39.6度咁算唔算高燒呢???咁大個仔第一次攞張病假條令到唔洗上堂... 咁又有一日假放啦..都幾着數呀~~睇個醫生又要檢血又要吊針...吊針真係好鬼痛呀... 吊左個幾鐘先吊完....之後返到宿舍食左半個包就開始訓覺...訓到五點鐘先起身... 成身軟曬啦~~好似比人打咁~~又發熱又發冷...睇黎都命不久已啦~~~ 原來自己一個人去睇醫生真係會有一種怪怪ge感覺~~~ 點解打親space都係感冒ge~~~~ December 26 感冒今日用左一個鐘ge時間終於睇埋最後哥幾章..終於曬一篇網絡小說~~《感冒》... http://netcast-platform.org/forum/viewtopic.php?t=364 本身好早之前睇左頭兩章...但係點知qoos哥度無拿拿無得睇...但係琴日睇到肥鴻個spaces.. 有返呢篇小說所以上去睇埋哥十幾章...用左一日多少少ge時間去睇曬篇野....真係好感動... 睇到我都有d想喊...真係估唔到會發展成咁...最後仲因為一個吻而令佢無左條命... 要珍惜你所愛同愛你ge人...唔係第時後悔都黎唔切...始終人生係充滿住好多ge未知情況... 不過上天唔通真係咁中意捉弄人...唉........ ---------------------------------------------------------------------------------- 琴日諗返轉頭~~因為屋企ge問題...有一種比人完全冷落左ge感覺.. 如果我唔返到屋企咁我咪乜都唔知.....唉....呢種感覺真係令人討厭....xxxxxxx..... December 10 €失~~算經過一日ge校運會激戰...移家成個人散曬...兩隻腳好似已經唔係我咁.. 睇黎我已經變左暫時性傷殘..估唔到一個大停電就搞亂曬我ge計劃... 本身諗住唔去比賽返屋企..點知突然又話停電..又唔想留返肥仔係宿舍.. 所以就決定留係暨大..再去返比賽..點知要比賽都唔係咁易..要出席開幕式.. 只係一個開幕式就用左三四晚ge時間去彩排真係攞命..麻煩死..... 朝早八點半就一百米ge初賽..見到d人好似好鬼勁咁...搞到我都有d驚... 有成七組人每組有成五六個人比賽...得八個人可以入決賽...真係玩咩.. 話咁快就跑之後..過左一陣就即刻有比賽成積宣佈..聽到第一線哥個人十二秒零五.. 我諗第一線姐係應該係包尾或者尾二入決賽..心諗真係返屋企訓教好過... 點知第三線讀我ge名..一聽十一秒七九..我都呆左..估唔到兩三年無跑.. 都可以保持到差唔多實力...仲係以第三名出線...之後十一點七又要決賽.. 去到賽場..一熱身已知不妙..兩隻腳痛到飛起..跑得哥個十二秒零二..唉... 點知只可以攞個第五..唉..如果可以保持初賽成績就有第三..唉... 跟住下咒仲要賽四乘一百米..訓左一教之後又恢復左幾成功力..好采姐.. 點知上到場一二棒竟然差d接唔到棒..搞到慢左..之後到我第四棒已經無可能追返.. 小組第二名..最後就攞左個第四..我今年ge校運會咁就完左啦... 今朝起身兩隻腳已經唔屬於我咁...痛死我..................... November 05 ~~返澳門好耐都未打過blog啦..上到暨大一次都未打過添...係暨大都無乜心機打... 話咁快又過左一個月...所以又走左返澳門...不過話咁快又要再返上去啦... 不過移家覺得係暨大反而仲好...雖然無乜野做...但係點都覺得係宿舍好過係澳門咁.. 返到澳門都無見過澳門d朋友仔添...成日都呢埋係屋企...不過一返黎澳門又用左幾舊水.. 返到黎我大佬車左我出去水坑尾買左對鞋..咁又幾舊水啦...=.="..不過夜晚坐住大佬部車.. 好鬼大風....不過好耐都未坐過佢車尾囉...正...我開始覺得我會好似某人講咁做啦.... 唔得..我一定唔可以咁做ge...我諗...呵呵...上個星期都唔知搞乜鬼...個肚痛左兩日之後.. 成個星期每日朝早或者夜晚都會痛一陣...不過呢兩日又好似無乜事咁..當無事發生..哈... 呢兩日隻腳真係痛死我...上個體育堂運動量已經夠曬多...跟住仲去左踢波...攰死我... 我feel到運動嚴重過量...又要休息返兩三日先得啦.唉.....過多一兩個星期就百年校慶啦.. 唔知可以放幾日假呢.....就打咁多啦.... October 03 錯~事十月一號.....呢日發生ge事真係要打一次blog....... 本身哥日一起身心情已經好好......但係十一點幾因為一件事....... 令到我有相當後悔ge感覺.......真係對唔住自己亦都對唔住人地....... sorry................................... September 22 ~復原~經歷左個多星期ge恢復.....同病魔慢長ge作戰.......終於戰勝左病魔同後遺症... 真係估唔到今次要用咁長ge時間先恢復.....哥排無乜好食咁...移家終於可以食好d... 乜都唔食得咁......想食但係又要聽人講....唔比食........移家解封啦....哈... 唔知點解呢排ge心情都係係低位徘徊.....點解會咁嫁.....搞到成日都無乜心情.... 唔通真係...............................唉.................. 再過多一個星期就可以返澳門玩返一個星期啦........不過返到澳門都唔知有乜do... 不過都係到時先再算啦........................ September 10 虛~弱開學一個星期啦.......估唔到廣州會同珠海有咁大ge分別.......都差幾遠下.. 黎到廣州一開頭都覺得幾大.....不過過左兩日就發覺其實原來都唔係好大姐.... 上到黎第一日真係多野搞......又呢樣哥樣....搞鬼死咁耐...第二日就去左長隆玩 不過長隆都係一般好玩.....得幾個比較刺激....其它都有點無聊.......個馬戲團都唔錯 不過呢個旅程ge開心程度都只屬一般.....第三日就去左北京路行街街.......... 廣州真係人多都爆.....周圍都係人.....行左半日腳都軟埋....岩岩入住暨大就招呼左阿羅同肥廖 住左一晚兩人都走左....之後就要開始返學.....移家d堂幾鬆動......朝早同夜晚都無乜堂.. 中午上q曬.....不過係暨大住左兩三日就病q左......一黎就喉嚨痛....真係辛苦到爆.... 仲要伴隨住流鼻水同咳......真係攞我命.....喉嚨痛又唔知食乜q藥好喎.......真係死直.... 好彩移家都好得六七成姐......唔係就慘.......................唉............ September 01 ~不~爽~九月啦.....話咁快暑假又完結左啦......個半月ge暑假.......唉..... 又要等到新年先有機會再一齊去玩去飲下野.......唉........ 引用"大文豪"一句話"人生苦短...要懂得及時享樂先至不枉此生".... 點解夜晚ge時間過得特別慢........而我亦唔覺有睡意...... 近排總係有種不爽ge感覺....仲不斷增強....而呢種感覺係夜晚就越黎越強..... 不爽不爽不爽不爽不爽不爽不爽不爽不爽不爽不爽不爽不爽不爽不爽....... 個患處又有少少痛ge感覺........雖然好少....但係感覺好清楚....... August 24 €離~去~暑假得返最後一個星期啦.......要走ge人已經開始返去佢地所應去ge地方.... 忙ge人就繼續由朝忙到晚.....時間越黎越少.....自己成日係屋企ge時間反而增多..... 咁反而令自己諗更多無謂ge野.....近排真係煩死人.....又煩呢樣哥樣....... 又要諗汁d咩野上去......部腦又要點攞上去.....唔想再諗啦............. 呢排有兩個朝早都去左跑步.....真係太耐無跑.....跑左兩日就周身痛...... 真係太少運動啦.....三年之後我會唔會變左做個肥仔呢?????都係做多d運動先得...... 等陣就去宿營啦......希望可以放鬆下移家呢個心情啦.....有得玩真係要盡情玩先得... 時間無多啦.................................... August 17 ~時間+"無多"!暑假話咁快就得返半個月ge時間.....真係過得太快啦....仲有d野我依然係未做.... 近排阿羅佢地又要開始做人口普查....得返我一個無份做....要開始悶啦..... 八月份只係返左十日工左右就無做啦......不過自己都唔想做啦......(懶蟲作惡) 前排去左食自助餐.....哥度d野都普通街邊飯盒無咩唔同....垃圾呀...... 前幾日十幾個人去左肥詩屋企打冰爐.....可以咁多人聚埋一齊玩下...真係唔錯..... 前兩日去左香港....係哥邊度過左兩日一夜ge香港生活.....本身未去之前已經有d野煩緊... 諗住去完返到黎會開心d.....點知一返到黎....就即刻眼火爆...移家咩態度呀...癈事再題...... 得返半個月時間係澳門之後就要上廣州....都係時候做決定啦....................... August 03 &總~結好耐都未打過blog添....移家打返篇總結下啦.... 話咁快就放左半個月啦...得返一個月ge時間就要上廣州啦... 有好多野都未做...仲有d想做又唔知點去做ge野....唉... 前排一考完試佢地成班友仔就殺左上暨大玩左兩日.... 之後返到澳門玩左幾日就去左開工...都開左十幾日... 岩岩出左糧...開心...放假咁耐去左兩次澳門蛋溜冰.... 兩次都好好玩....第一次去澳門蛋感覺好鬼大... 不過真係好正....可能係太耐無玩同埋睇同邊個去...唔.... 放假咁耐都未去過游水添....遲d要去玩下先得.... 阿羅返到黎得閒就同佢周圍食下嘢...食左兩樣幾特別ge嘢... 第一樣就係動物ge某部份...跟住琴日就去左食碗仔翅... 呢排都試左幾間未試過ge舖頭....不過全部都係一般姐.... 無咩特別....最特別都係個糖水....竟然比佢呃左我......唉 不過算啦....得閒再同你去食野....hehe...... 今朝起身感覺好怪.....平時訓教發左咩夢我係會完全唔記得... 但係琴晚我竟然記得發左咩夢....個夢仲相當咁奇怪.... 不過如果夢境可以成真都相當唔錯......係一個開心ge夢.... 近排幾鐘意聽一首歌...不過發現左d怪野.... 作詞同作曲哥個人叫譚志華.....估下知唔知係咩歌??????? June 23 [攞命咩]~~溫習...上網...咁就一日... 日日都係咁...
朝早溫習夜晚就上網.......放兩個星期溫習週睇黎都係要咁渡過.......
對住本三百幾版ge書由頭開始睇過......真係攞命.....
仲要唔止一科有三.四科都要由頭睇過.....死啦........
幾時先溫得曬呀.......救命呀!!!!!!!!!!!1
May 29 好~開~心€€好耐都無打過blog啦........今晚又打返次先.....
前日過左個開心ge生日.......都幾多人比面去食飯.......
係度多謝所有有份去食飯ge人......
仲有幾個要突別多謝ge人.....第一個梗係羅少啦.....
雖然你做唔到我同你ge約定.......不過份present真係好特別.....
真係有錢都好難買到......我都幾like......多謝羅少....
第二個就係肥鴻啦.....係廣州都返黎....雖然話係月尾會返黎一次.....
不過都要多謝你同你份present.......
第三個就係b群啦......多謝你份present......雖然唔會成日用...
不過咁先夠耐用....哈...多謝曬......其實其它人都要多謝不過無可能打曬出黎.....
呢個生日雖然無高三哥時咁威....不過返而呢個仲比較開心.....哈哈.....
琴日去蕃薯妹屋企幫佢整電腦.....竟然收到一份驚奇ge present......
真係同羅少哥份有得揮......就係佢親手做左個朱古力蛋糕比我食.......
雖然個蛋糕似個餅多d....不過其實都算ok.....係甜少少姐......
第一次整算係唔錯.......係賣相怪少少姐.......不過你咁有心....真係多謝曬.....
唔知佢會唔會睇到呢........哈........
跟住琴晚就成班親戚一齊去左食飯......唔知為乜嘢......
不過聽我阿媽講話係幫我補返琴晚同餐喎........不過唔知點解會咁多人一齊食....
不過真係食得幾飽.......哈哈......
總之呢個生日真係過得好開心........今個星期六成班同學話去露營喎.....
唔知好唔好玩ge呢......真係幾想去玩下......未試過露營呀........
下面有張相係上個星期定唔知幾時係暨大見到彩虹影底ge........
May 12 新衫仔......前幾日無咩嘢做就去左逛街然後又買左件新衫仔......買極都好似唔係好夠着咁ge....
去到八佰伴睇到件都ok ge衫仔.....不過都係無買.....去左第二度買...
今次就入左應該算係第一件綠色掛......無記錯應該係第一次買綠色geT恤....
今個星期又要星期六先可以返澳門啦......因為要體能測試ge關係.......不過無關係啦.....
咁早返澳門都無乜do.......下個星期一就要測體育筆試啦.......不過好采係開卷姐......
唔洗咁驚......今個星期開始左暨大ge新生杯籃球賽....係由每個學院各組一隊出黎同其它學院打.....
老牛jack都有份打.......琴日去到睇真係多人到爆呀........不過睇黎最勁都應該係管理學院啦....
有機會三連霸......跟住中場休息有每隊ge啦啦隊出黎表演嫁......不過都無乜睇嫁啦......
May 05 心理測驗~~~太過得閒...所以玩左大傻space個心理測驗....結果如下:
你的心思細膩，感情豐富，對人也很體貼，在團體中不會成為顯眼的
角色，卻是大家最佳的心靈窗口。偶有驚人之舉。值得注意的是，這類人在
社會中通常較多，平實的個性，想要出人頭地非得有驚人的意志力，多多加
油吧！個性害羞的妳在愛情上算是比較被動的人，不常主動表達自己的心意，
因此通常默默付出。但你體貼善良的性情卻能讓同道的異性受到妳的關懷與
善意，如果能對愛情更積極點，相信會更有助益呦！ 準確度都幾高ge......本人認為.....
話咁快又差唔多放完五一黃金週啦......但係好似乜都無做過咁......
想做ge嘢全部未做過.......靠.......時間過得真係快......就快又返學囉.......唉.... May 01 黃金€週~又到五月啦......等左好耐ge五一黃金週終於開始放啦.......
"少少"地咁又放一個星期啦......不過放一個星期假都唔知有咩好做.......
上個星期六肥鴻...肥希...肥峰同大傻四丁友殺上黎暨大......唔知做乜......
乜都無做過咁又走左啦......不過佢地黎係度都無咁多床位佢地訓啦.......
今朝早又去左跑步.......跑左三十分鐘...真係跑到死左一半咁呀.......
發覺自己ge體能真係越黎越差啦......以前長跑已經唔勁.....再加埋開始無練習之後仲衰.....
跑半個鐘之後好似就死咁....要抖返半粒鐘左右先開始有返氣力.......唉.....
想練返勁d體能但係又唔夠積極.....前幾日睇本體育ge書講......
練心肺功能最起碼要每日跑步或者要隔日跑.....我呢d都唔知幾時先跑一次.......唉....
今日下咒屋企無人煮飯....搞到要出去食......跟住個蕃薯妹又話屋企無飯食......
之後就同左佢出去食......結果......又再破財.......過幾日仲話要去搞回鄉證.......
跟住仲諗住買返件衫仔添.........今次真係大出血啦......流血不止呀......
有冇人可以救我一命...... April 18 #拓~~展#上個星期真係幾好玩........星期五肥希肥峰同羅渣話去碌零........
跟住就八點中起身出發去左碌零......近排碌零真係越黎越有feel......
碌到160分.....哈哈.....又破左自己紀錄啦........不過就整到隻手指痛.......
星期六班活動去左個拓展......原來係係坦洲出少少一間叫啓明ge學校入面玩......
原來係有成82人去....一去到就分組即刻玩熱身遊戲.....第一次帥連同超達就即刻輸左...
要受罰扮傻仔.....真係估唔到帥連係扮得最似哥個......之後就去左玩第一個遊戲.......
係有一條繩圍左一個大方形....之後就用繩分左好多個不規則的形狀..........
總共分左25個不規則形狀.....之後規定一個洞只能用一次...要22個人過曬個網另一邊......
要逐個人咁運過去.......真係幾考工夫.....之後下咒就去左玩一個高空活動....
係六七米高ge地方跳出去捉住條單槓之後就手捉返住自己條安全繩個教練放返你落地.......
上到去哥時望出去都幾過引....仲有少少驚......之後就去左玩另一個game......
一組人再分兩隊瞞住眼要搵返自己ge隊員同按順序排好....但係唔比出聲......不過好彩我地組長勁...
跟住就去左玩一個叫賢者背摔ge game....係縛住雙手....然後係個兩米左右高ge台上面........
背對住地下跌落黎等隊友接住你......雖然個feel幾好......不過接到我手軟.......
咁就完成左我地ge拓展活動......雖然真係幾好玩......不過超攰.......
移家隻手都好似斷左咁.......星期六晚返到屋企突然又話部腦死左....又有排煩囉...... April 11 祈~待#由於上個星期要返鄉下拜山ge關係....所以連澳門都無返到......
咁連續兩個星期係大陸渡過.....而且又無去到跑步.......等陣又比人話我屎啦........
上個星期都無咩特別嘢發生......又係平靜中渡過.......睇返上次個篇嘢.......
原來大家對我ge衣著係有咁多睇法ge........睇黎都係要嘗試下先(有機會哥時)
上個星期返到鄉下無乜嘢做過........但係又比人叫打雀....唔通佢真係上曬引.....
中毒已深........唉......好無奈ge情況之下又win左幾十蚊...哈哈....如果比人睇到又話我恰佢囉......
不過唔好成日話我恰你先得嫁.....我恰你ge話走哥陣就一齊打你....唔會理你啦...哈
唔知我所講ge人會唔會睇到呢???????不過應該唔會掛.......
今日真係幾鬼黑仔......一起身就整親......整損左個手爭....移家仲有d痛......... 今個星期六有得去個拓展ge乜鬼嘢......唔知好無玩呢??????祈待中.........
等我係下次geblog到話比大家知好無玩啦........又到復活節啦.....不過我地都係無假放....
五一放返成個星期.........好嘢................今次都諗唔到打咩好.....就打咁多啦........ April 02 ゝ時ノ間∥話咁快又過左一個星期啦......時間真係過得好快.....
得閒哥時諗下成日都會覺得自己好似好浪費時間咁......咩都無做過但係d時間就係咁過.....
上個星期個英文老師話要測生字....但係生字冊都無...測鬼咩...
之後佢星期三派左份生字但係話星期四要測...仲一測測六課...
經過左一晚ge努力之後好采佢出d生字唔係好難姐.....都識八九成啦...
星期六同牛jack去左買衫....行左一個鐘到....買左件衫.....本身無諗住買白色....
但係結果又係白色....真係白色衫岩feel d.....
今朝又七點鐘去左跑步....但係今朝就真係跑死我咁濟....點解可以有跑唔完ge氣嫁.....
癲嫁咩....睇黎我都係操得唔夠fit.......要努力d先得......
下個星期要返鄉下拜山......睇黎又要有個辛苦ge周末啦.......
無拿拿又會比人地叫我做flash.......其實我都只係識d基本功姐.......唔好咁高要求呀???? |
|
|
